III Xornaes del vigulín tradicional

L’Infiestu, co. Piloña (Asturies). El sábadu 16 de setiembre de 2023.
Horariu: de 10h a 14h y de 16:30h a 18:30h.

El vigulín na música tradicional asturiana foi un instrumentu venceyáu a l’animación de los
bailles y tamién a la figura de los ciegos y les ciegues que viaxaben pelos pueblos y villes actuando peles cais. El vigulín contó con bayura d’intérpretes que participaben nes fiestes de finales del sieglu XIX y la primera metada del sieglu XX en conceyos como Piloña, Villaviciosa, Colunga, Cabranes, Ponga o Amieva. Darréu d’ello, el vigulín na música tradicional tuvo daqué puxu nes décades de los años 90 y 2000, empobináu pola fola de música folk y celta del momentu que, por embargu, nun caltrió na sociedá asturiana de la manera que sí lo ficieren la gaita o’l baille tradicional.

Dempués de los cursos “El vigulín na tradición asturiana: repertoriu y técniques interpretatives”
y “El vigulín pal baille asturianu: repertoriu y recursos estilísticos”, plantegamos el cursu “El
vigulín nel folk asturianu”, que pon el ramu a trés años de formación que transiten dende la
tradición al folk contemporáneu pasando pel ámbitu del baille tradicional.

Nivel d’Aniciu: Lisardo Prieto
Nivel Avanzáu: Dolfu R. Fernández